超級大話骰HK Liar's Dice

📖 超級大話骰 規則

基本

• 每人5粒骰，搖完自己睇，唔俾人見。
• 輪流「叫」：幾多個 X 點，意思係全枱（包括所有人）最少有咁多粒 X。例如「4個5」。
• 最少開口：人數＋1 個（例如3個人，最少叫4個）。

1點（冧把）同「齋」

• 普通叫法：1點當任何點，例如叫「4個5」，1同5都計。
• 叫「齋」：1點唔當冧把，只計嗰個點本身。
• 叫1點自動當齋（1只計1）。一旦有人叫過1，今局之後所有叫法都當齋。

點樣加注

• 同一種叫法（普通→普通 / 齋→齋）：數量要多，或者數量一樣但點數大。
• 齋嘅點數大細：2 < 3 < 4 < 5 < 6 < 1（1最大）。普通叫法只可以叫2–6。
• 普通 → 齋：同數量就得（齋大過普通），任何點數都得。
• 齋 → 普通：數量最少要 ＋1。

開！

• 任何人都可以「開」上一個叫法（你可以隨時開電腦嘅叫法）。全部人揭盅。
• 實際數量 ≥ 叫嘅數量 → 開嘅人飲；否則 → 叫嘅人飲。
• 輸咗嘅人下一局先叫。

超級玩法：散骰當冇

• 如果某人五粒骰全部唔同點（例如 1 2 3 4 6），佢成手骰當 0 粒，連1都唔計。
• 可以喺開枱時關閉呢個玩法。

搖骰模式（朋友聚會）

• 每人喺自己部手機開呢個網頁，揀「搖骰模式」，當骰盅用，其他照真人玩。
• 撳「搖！」或者搖部手機搖骰（iPhone 第一次要撳一下俾權限）。
• 按住骰盅偷睇，放手蓋返；輕撳一下 = 打開／蓋返。有人叫「開」就撳「開骰」俾大家睇。
• 流程：搖 → 偷睇 → 開骰 → 大家一齊撳「開新局」→ 再搖。「開新局」只會喺開骰之後出現。
• 防出貓：每局搖完一次之後，搖機就會鎖住，搖幾大力都唔會再搖。
• 真係要再搖，要撳「搖！」嗰粒掣（搖完會變做「重搖」）再確認；開骰時會用大紅字顯示「重搖過 ×N」，大家一眼見到。
• 骰盅顯示「第幾次搖」同搖骰時間（時:分:秒），開骰時大大隻顯示，大家可以對下。正常應該係「第 1 次」。
• 每次搖，骰盅都會轉顏色（紅／橙／黃／綠／青／藍／紫／粉，同上次一定唔同），仲會寫埋「紅盅」等名，色弱都睇得清。如果你見到人哋個盅中途轉咗色，即係偷偷搖過！
• 重新載入網頁都唔會清零：次數、重搖、顏色、時間同骰都會照返。

明白 👍